Во периодот од 22 до 28 август спроведена е засилена акциска контрола на територијата на Република Северна Македонија за санкционирање на прекршоци што ги прават возачите на мотоцикли, при што санкционирани се 281 возач.
Од нив, информираа денеска од МВР, 185 возачи не користеле заштитна кацига за време на возење, 57 возеле без возачка дозвола, 5 мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.
Засилените акциски контроли продолжуваат и во наредните денови.