Поранешниот француски претседател, Никола Сакрози, изјави за судиите кои против него отворија формална истрага, дека обвиненијата околу нелегално примање на пари од Либија за неговата политичка кампања од 2007 година, се лажни и дека му го претвориле животот во „пекол“.
Медиумите го објавија обраќањето на Саркози пред судиите, после дводневно испитување во притворот, околу обвиненијата за пасивна корупција и останати прекршоци.
„Оваа клевета ми го претвори животот во пекол од 11 март 2011 година“, изјави 63-годишниот Саркози пред истражните судии.
Обвинителството ги проверува обвиненијата за тоа дали политичката кампања на Саркози од 2007 година добила поттик, во вид на повеќе милиони евра од сега веќе покојниот либиски лидер Моамер Гадафи.
Саркози исто така изјави дека е жртва на кампања на дестабилизацијата од 2011 година.
Саркози беше претседател на Франција од 2007 до 2012 година.