Милијардерот и сопственик на Twitter се согласи дека во иднина само корисниците со сино знакче на профилот треба да гласаат за политиките на компанијата.
Тој долго време не коментираше по завршувањето на анкетата на која корисниците на Twitter гласаа за негово заминување од функцијата извршен директор на компанијата, но сега се огласи.
Иако не го коментираше она што сите го очекуваа - да објави дека се повлекува од позицијата извршен директор - Маск остави коментар на сугестија на некои корисници.
Твитерџиите предложија само профилите со верификација во форма на сино знакче да одлучуваат и да гласаат во идните анкети во однос на политиките на компанијата Twitter.
Со ова се согласи и Маск, посочувајќи дека тоа е добар предлог и дека Twitter ќе ја спроведе промената.
Синото знакче за верификација е ознака дадена на профилите на Twitter како доказ за автентичност, а може да се добие со плаќање претплата од осум долари месечно.
Сè уште ја чекаме официјалната реакција на Илон Маск за резултатите од вчерашната анкета на која корисниците на Twitter гласаа за милијардерот да се повлече од функцијата извршен директор на компанијата.