Се менува надворешното јадро на Земјата: Како би можело да влијае на магнетното поле?

Поголемиот од нашето знаење за тоа што се случува и што е во центарот на нашата планета доаѓа од проучувањето на сеизмичките бранови што се појавуваат по земјотресите. Ако ги анализираме внимателно, можеме да го откриеме составот на карпите и металите под површината на Земјата.

Една нова студија за сеизмички бранови од два земјотреси на слични локации, но со разлика од 20 години, откри дека се случуваат промени во надворешното јадро.

Јадрото е централниот дел од внатрешноста на Земјата, кој е составен од течен надворешен дел и цврст внатрешен дел. Надворешното јадро, вртлив слој од течно железо и никел, директно влијае на магнетното поле на нашата планета, кое ја штити Земјата од опасното вселенско зрачење, пишува Science Alert.

Ова е причината зошто разбирањето на надворешното јадро и неговата еволуција е од витално значење. Податоците снимени од четири монитори на сеизмички бранови во двата земјотреси покажаа дека брановите од подоцнежниот земјотрес патувале околу една секунда побрзо кога минувале низ истата област на надворешното јадро.

Материјалот што беше таму пред 20 години веќе го нема

„Нешто се смени по патеката на тој бран, па тој може да оди побрзо. Материјалот што беше таму пред 20 години веќе го нема. Сега има нов, полесен материјал“, вели геологот Јинг Џоу од Техничкиот универзитет во Вирџинија.

Во студијата беа анализирани SKS брановите. Тие прво минуваат низ обвивката како попречни бранови (S), потоа доаѓаат до надворешното јадро како компресиски (надолжни) (К), а потоа се враќаат низ обвивката како S бранови. Времето на нивното патување може да открие многу.

Што се однесува до двата земјотреса, и двата беа во близина на островите Кермадек во јужниот дел на Тихиот Океан. Првиот се случи во мај 1997 година, а вториот во септември 2018 година, што им даде единствена можност на научниците да ги проучат промените што се случуваат во јадрото на Земјата.

Конвекцијата што се јавува во течното железо на надворешното јадро додека се кристализира во внатрешното јадро создава течни електрични струи, кои го контролираат магнетното поле на Земјата. Сепак, односот помеѓу надворешното јадро и магнетното поле сè уште не е целосно разбран, а голем дел од нашето знаење се заснова на хипотетичко моделирање.

„Магнетното поле не е исто секој ден. Се менува“

„Ако го погледнете северниот геомагнетен пол, тој моментално се движи со околу 50 километри годишно. Се движи од Канада кон Сибир. Магнетното поле не е исто секој ден. Се менува“, рече Џоу.

„Бидејќи се менува, претпоставуваме дека и конвекцијата во надворешното јадро се менува, но нема директен доказ. Никогаш не сме го виделе тоа“, додаде таа.

Оваа нова студија може да обезбеди корисни сознанија за тоа како точно се менува надворешното јадро и неговата конвекција. Иако промените забележани сега не се големи, колку повеќе знаеме за овој процес, толку подобро.

Џоу претпоставува дека полесни елементи како водород, јаглерод и кислород се ослободени во надворешното јадро од 1997 година, што би го објаснило намалувањето на густината од околу 2 до 3 проценти и брзината на протокот на конвекција од околу 40 километри на час.

„Сега можеме да следиме што се случува“

Во моментов има 152 станици на Глобалната сеизмографска мрежа низ светот кои ги следат сеизмичките бранови. Иако не можеме да ја контролираме локацијата или времето на земјотресите, можеме да се погрижиме да се евидентираат што е можно повеќе податоци за нив.

„Сега можеме да следиме што се случува. Во иднина би можеле да поставиме повеќе сеизмички станици и да го следиме тој проток“, рече Џоу.

Истражувањето Transient variation in seismic wave speed points to fast fluid movement in the Earth's outer core беше објавено во списанието Nature Communications Earth & Environment.

реклама

Роналдо отвори и петти хотел: Луксуз и високи цени, базен, спа и посебна исхрана

Read more

Три раси на кучиња кои најмногу личат на волци

Read more

Тинејџерите сѐ повеќе го напуштаат Facebook

Read more

Тенисер среде натпревар нарача бургер и го изеде

Read more

Наука

Научници успеаја да ја создадат првата целосна мапа на човечкиот имунолошки систем

Read more

Нешто чудно се случува на океанското дно, биолозите не можат да откријат што

Read more

Дрон го сними моментот кога орка распарчува ајкула

Read more

Откриена чудна фаза на материјата која постои во две временски димензии

Read more
 

Гик

Тинејџерите сѐ повеќе го напуштаат Facebook

Читај повеќе

Xiaomi претстави функционален хуманоиден робот

Читај повеќе

Арктикот се загрева речиси четирипати побрзо од глобалниот просек

Читај повеќе

Митови и вистини за полнењето батерија на смартфонот

Читај повеќе
  • play_arrow
  • filter

Motorola го претстави флагшипот Moto Razr 2022

Читај повеќе
  • filter

Деринкују - древен подземен град во Турција кој бил откриен од кокошки

Читај повеќе

Науката издвои 25 најубави градови во светот според златен пресек

Читај повеќе

Снимен феноменален момент: Две галаксии се судираат и се спојуваат

Читај повеќе

Како да го спасите телефонот ако ви падне во солена вода?

Читај повеќе