Синоќа се одигра НБА драфтот, а тимот на Сан Антонио Спарс очекувано за прв пик го избра Виктор Вембањама.
Французинот висок 225 сантиметри е убедливо најочекуваниот играч во НБА лигата, а американските медиуми пишуваат дека од Леброн Џејмс немало толкава возбуда поради доаѓањето на кошаркар во лигата.
Се наведува и дека Сан Антонио го зеде првиот пик на драфтот од 1997 година, кога го засили својот тим со Тим Данкан, со кого освоија пет шампионски титули.
Вториот пик им припадна на Шарлот Хорнетс, а тие го засилија својот тим со крилото Брендон Милер, кошаркар кој настапуваше за Универзитетот во Алабама. Скут Хендерсон, за кој се сметаше дека е прв пик во повеќето драфтови, падна на третото место и беше преземен од Портланд.
Близнаците Амин и Аусар Томпсон, кои играа во организацијата „Overtime Elite“, ново движење што им нуди на младите играчи шанса да стигнат до професионалците без да играат колеџ кошарка, беа избрани за четврто и петто од Хјустон и Детроит.
Виктор Вембањама (Сан Антонио)
Брендон Милер (Шарлот)
Скут Хендерсон (Портланд)
Амин Томпсон (Хјустон)
Аусар Томпсон (Детроит)
Ентони Блек (Орландо)
Билал Кулибали (Вашингтон преку Индијана)
Џерис Вокер (Индијана преку Вашингтон)
Тејлор Хендрикс (Јута)
Кејсон Валас (Оклахома Сити преку Далас)