Пакистанската активистка за правата на жените и најмладата добитничка на Нобелова награда за мир, 24-годишната Малала Јусуфзаи, се омажи во Бирминген, Англија.
Во 2012 година Малала преживеа напад од талибанците, а Нобелова награда за мир доби во 2014 година, заедно со индиски активист за детските права. Во таа прилика при доделувањето на наградата, Малала изјави дека образованието е едно од животните благослови, една од животните потреби на луѓето.
Сега, Малала објави радосна вест од церемонијата на венчавката во куќа во Бирмингем.
„Денеска е посебен ден во мојот живот. Асер и јас стапивме во брак за да бидеме доживотни партнери“, напиша активистката на Twitter.
