Многумина сонуваат да живеат во дворец, но само неколкумина можат да го остварат тој сон. Некои сега ќе си го остварат сонот.
Швајцарскиот дворец Шато ле Розе, кој е стар 800 години, сега е достапен за продажба.
Замокот нуди поглед на селото Бјирсан, сместено помеѓу Женева и Лозана. Исто така, нуди поглед и на прочуениот врв Мон Блан и на езерото Леман.
Внатре во замокот има 10 спални соби и 8 бањи, а неговата површина е 2.656 метри квадратни. Трпезаријата е навистина голема и може да прими до 60 гости. Импресивно е украсен и има готски камин и под од теракота.
На имотот може да уживате во добро вино бидејќи има 4,5 хектари лозови насади, како и винарска визба за чување и дегустација на вино.
Оние кои најчесто се одлучуваат за вода, можат да се освежат со природна изворска вода.
Има многу простор за одмор и релаксација, вклучително и приватна спа со турска бања, базен, маси за масажа и лежалки.
Дворецот ќе биде продаден на аукција на 7 октомври, нема резервна цена, а понуди ќе се примаат од сите делови на светот.