Познат српски бизнисмен е единствениот заинтересиран за да ја купи „Славија“.
Иако неколку потенцијални купувачи биле заинтересирани за купување на компанијата „Славија Хотели“, само компанијата „Matijević“, чиј основач е познатиот српски бизнисмен Петар Матијевиќ, доставила понуда за купување на компанијата во чиј имот се хотелите „Славија“ и „Славија Гарни“ на истоимениот плоштад во строгиот центар на Белград.
Висината на понудата сѐ уште не е објавена, но се знае дека во јавниот повик за учество во приватизацијата на хотел „Славија“ е предвидено дека почетната цена за учество на јавниот тендер е 24,9 милиони евра. Јавниот тендер денеска не се одржа, бидејќи понуда достави само „Matijević“, чии претставници присуствуваа на отворањето на документацијата.
Во продолжение на постапката, комисијата на Министерството за економија ќе оценува дали ја прифаќа или не понудата за приватизација на еден од најпознатите хотели во Белград, кој минатата година го прослави својот 60-ти роденден. Ова е втор обид на Петар Матијевиќ да стане сопственик на вреден имот на хотелската компанија, кој досега не бил понуден ниту на тендер, ниту на јавно наддавање од почетокот на процесот на приватизација пред 20 години.
Петар Матијевиќ се обиде да го купи хотелот „Славија Лукс“ (денес „Славија Гарни“) во 2018 година во постапка што ја покрена јавен извршител, но продажбата беше поништена бидејќи Стопанскиот суд во Белград утврди дека прво мора да се донесе конечна одлука дали „Славија“ има долг кон фирмата „Фил Шар“.
Денеска беше планирано да се отворат понуди, а потоа да се одржи лицитација, која ќе беше затворена за медиумите. Сите заинтересирани да учествуваат во процесот на приватизација на хотел „Славија“ имаа обврска да уплатат депозит од 2,49 милиони евра.
„Ковертот со назнака 'Понуда' се отвора само доколку Комисијата ја одобри пријавата за учество. Учесникот чија апликација е одобрена е должен да присуствува на отворањето на пликот со назнака 'Понуда'. Во спротивно ќе се смета дека се откажал од својата понуди и го губи правото на враќање на депозитот“, се наведува во предлозите за приватизација на „Хотел Славија“.
Хотелот „Славија“ е изграден во 1962 година, а подоцна е проширен на комплекс „Славија А“ и „Славија Б“. Третиот додаток, ултра модерната „Славија Лукс“ (Денес „Славија Гарни“) е изградена во 1989 година. Кога хотелот бил изграден, плоштадот „Славија“ се викал „Димитрија Туковиќа“, во чест на српскиот социјалист од XIX и XX век. Ова има го носел од 1947 година, а претходно плоштадот се викал токму „Славија“. Во 80-тите години на XIX на местото каде денес се наоѓа хотелот „Славија Гарни“ бил изграден стариот хотел „Славија“, по кој подоцна и плоштадот го добил името. На првиот кат во хотелот се наоѓала скулптура на словенската богиња Славија. Овој хотел на 6 април 1941 година бил погоден во германското бомбардирање и набрзо срушен.
На 24 март 1989 година на плоштадот „Славија“ бил отворен првиот McDonald's не само во поранешна Југославија, туку и во цела Источна Европа. На почетокот од 2000-те години плоштадот повторно си го вратил името „Славија“.
