И додека многумина сонуваат да имаат Lamborghini Aventador, некои што имаат не знаат што да направат за пет минути слава на интернет па експериментираат. Но, работите не се одвиваат според очекуваното кога човек ќе се реши на ваков потег.
Еден сопственик на Lamborghini Aventador во Кина се обиде да ги покаже неговите вештини за печење месо употребувајќи го скапиот автомобил како скара. Видеото од настанот стана вирално на социјалните мрежи.
Од снимката се гледа како човекот сака да испече месо од ауспухот на автомобилот додека исфрла пламен. Но, целиот експеримент заврши лошо, издувните гасови се раширија низ гаражата, моторното масло се разлеа, па и моторот се запали. Месото му прегоре.
Поправката на автомобилот чини 79.000 евра, лекција која можеби добро ќе му дојде на сопственикот откако сфати дека Lamborghini Aventador има способност да исфрла пламени, но не за правење скара.
