Автобус на Армијата на Република Македонија утринава околу 6:30 часот се запалил движејки се на релација Пробиштип-касарна „Илинден“ Скопје. Повредени нема, а причинета е само материјална штета.
Автобусот на АРМ се запалил на патот Пробиштип-Кратово, на четири километри од Пробиштип. Интервенирано е со две противпожарни возила.
Во изјава за МИА, градоначалникот на Пробиштип Драган Атанасов рече дека возачот на автобусот реагирал навреме и сите војници кои се превезувале со автобусот безбедно се симнале. Автобусот е целосно изгорен.
Случајот го потврдија од СВР Штип, а од Министерството за одбрана најавија дека наскоро ќе излезат со соопштение за случајот.
