Фит

Секојдневен тренинг од две минути е доволен за совршена фигура

13. октомври 2018 - 16:57 | К.З.

Веројатно секој би имал желба за вежбање доколку има доволно време за тоа, но за жал ретко кој може да најде слободно време во живот во вакво зафатено општество. Но, едно ново истражување тврди дека тренинг од само две минути дневно ви е доволен за да ја одржувате идеалната линија.

Поточно, само 120 секунди вежбање со висок интензитет секој ден можат да бидат добри за вашето здравје исто како и секојдневен фитнес распоред кој трае 30 минути.

Вежбањето може да биде напорно ако не сте вистински фитнес фанатик, а еден од најголемите проблеми со кои може да се соочите е одржувањето на тренингот во правилни и редовни временски интервали, пишува Cosmopolitan.

Истражувачи од универзитетот „Викторија“ во Австралија побараа од одреден број испитаници да прават три вежби со различен интензитет во тек на одреден временски период, со седум или повеќе денови пауза помеѓу две сесии на вежбање. На првата сесија од учесниците во овој експеримент им беше наложено да трчаат 30 минути со половина од нивната сила. На втората сесија тие трчаа пет минути со 75% од силата, со еднократен одмор помеѓу сериите. На последната сесија испитаниците учествуваа во четири велосипедски спринтови во траење од 30 секунди со максимален напор.

По завршувањето на секоја од вежбите научниците мереа колку енергија потрошил секој од учесниците. Тие открија дека мускулното оптоварување е скоро идентично кај секоја од трите сесии, и дека на секој од трите начини се троши отприлика иста количина енергија и калории.

„Ова укажува на тоа дека вежбите можат да се извршуваат според индивидуална преференца. Времетраењето на вежбите не е толку важно како интензитетот со кој се извршуваат“, пишува во истражувањето објавено во American Journal of Physiology.

Научниците во минатото тврдеа дека на секого му се доволни само 150 секунди дневно на интензивно вежбање за да се одржи идеалната линија, но новото истражување вели дека е потребно уште помалку време.

Коментирај