Долгите прошетки може да го намалат ризикот од развој на рак на дојка за 10%, покажа студијата на Институтот за истражување на ракот во Лондон.
Вежбите како пешачење, возење велосипед и други спортски активности можат да го намалат ризикот од развој на болеста пред менопаузата.
„Ова е само еден од низата докази дека физичката активност е добра за здравјето. Нашите студии покажаа дека поголемата активност може да доведе до послаб развој на рак на дојка во периодот пред менопаузата“, вели д-р Мајкл Џонс, главен истражувач на Институтот.
Сè уште се утврдува биолошката врска помеѓу физичката активност и развојот на болеста.
Според податоците на Светската здравствена организација од 2020 година, рак на дојка бил дијагностициран кај 2,3 милиони жени ширум светот, додека во истата година биле регистрирани 685 илјади смртни случаи.
Иако ракот почесто се појавува кај постарите жени, помал е процентот на жени кои ја заболуваат оваа болест пред 45-тата година од животот.
Иако не е сигурно која е точната причина, фактори кои влијаат на развојот на болеста се возраста, семејната историја на болеста, дебелината и прекумерното консумирање алкохол.
Претходните истражувања покажаа дека пешачењето до 6 и пол часа неделно може да го намали ризикот до 30%.
Најновото истражување на Институтот, кое беше објавено во Journal of Clinical Oncology, беше спроведено во 19 земји во светот и беа опфатени околу 547 илјади жени.
