Надуеноста и гасовите се здравствен проблем со кој секојдневно се борат една четвртина од луѓето. Тие се главно природен несакан ефект на варењето, но одредени навики може да предизвикаат зголемување на производството на гас, што на крајот резултира со надуеност.
Ова се некои од нив:
Следниот пат кога ќе сакате да пиете низ сламка (или како што некои велат - цевка), размислете двапати. Со секоја голтка, прво голтате воздух, а тоа доведува до зголемување на производството на гас. Ова дополнително се влошува со пиење газирани пијалаци преку сламка. Затоа, држете се до негазираните пијалаци и исфрлете ги сламките ако сте особено склони кон надуеност.
Антибиотиците може да ја нарушат природната рамнотежа на бактериите во цревата, што резултира со надуеност. Ова се случува поради прекумерен раст на одредени бактерии кои можат да предизвикаат зголемување на производството на гас.
Ова е причината зошто пробиотиците се препорачуваат заедно со антибиотиците, бидејќи тие ги разградуваат тешко сварливите молекули и помагаат да се врати рамнотежата на добрите и лошите бактерии во цревата, намалувајќи го воспалението и формирањето гасови.
Зеленчукот богат со растителни влакна, како брокулата и карфиолот, содржи рафиноза - шеќер кој останува несварен додека не се ферментира од бактериите во цревата, кои произведуваат гасови и предизвикуваат надуеност. Премногу влакна, исто така, може да биде тешко за вашето тело да ги свари, особено ако не пиете доволно вода - што помага во нивното разградување.
Освен што предизвикува висок крвен притисок и други здравствени проблеми, исхраната богата со натриум може да доведе до задржување на водата, што може да направи да се чувствувате подуени. Задржувањето на водата во телото резултира и со отекување на телото.
Колку побрзо јадете, толку повеќе голтате воздух, а како и газираните пијалаци, штом тој воздух ќе влезе во цревата, може да доведе до надуеност и непријатност. Затоа, обидете се да вежбате внимателно јадење додека седите на маса за да го олесните варењето.
Бактерискиот раст во тенкото црево може да биде предизвикан по операција на гастроинтестиналниот тракт или од разни болести како што се заболување на црниот дроб, целијачна болест, дијабетес и други болести поврзани со дигестивниот систем. Посетете го вашиот лекар за да ја дознаете точната причина за вашата надуеност.