Иако често се случува да го земате здраво за готово, сепак семејството е највредниот и најголемиот подарок што сте го добиле во животот. Денешниот ден, 15 мај, се одбележува како Светски ден на семејството, прочитајте зошто е важен дел од животот.
Растејќи покрај членови на семејството ги учите првите лекции за меѓучовечките односи, со најблиските се чувствувате безбедно и знаете дека има на кого да се потпрете во животот. Да се има семејство, пред сè, значи да се научи човекот да ги почитува другите и да има одговорност кон другите.
Семејството нè учи на љубов, така осознаваме дека постојат луѓе кои секогаш ќе бидат покрај нас, и во добро и во лошо. Членовите на семејството ни даваат поддршка, храброст, ни пружаат надеж, утеха, ни даваат совет, но и не учат на морални вредности.
Со семејството се чувствуваме безбедни и среќни, без оглед што ни се случува во животот.
Кога и да се почувствуваме несигурно, уплашено или тажно, секогаш бараме помош од најблиските. Семејството ни обезбедува простор за личен раст и влијае на нашиот развој од најрана возраст. Со други зборови, семејството е основа за сè во животот.
Првото училиште низ кое одиме во животот е семејството, таму учиме како да се однесуваме. Семејството го обликува нашиот карактер, влијае на начинот на размислување, нè учи како да носиме одлуки, што да ни биде приоритет во животот.
Членовите во семејството нè прифаќаат такви какви што сме и нашата љубов кон нив, и нивната кон нас, никогаш не запира. Секој од нас има други личности во животот, но семејството е најголемата потпора и во добро и во лошо.
Во секое семејство доаѓа до расправии, неслога, нервоза, но љубовта успева да ги надмине сите разлики. Чувајте ги до вас луѓето кои безрезервно ве сакаат и не очекуваат да им се реванширате за сè што прават за вас. Тоа го прават од љубов.
