Северна и Јужна Кореја денеска одржуваат воени преговори, во екот на зголемувањето на тензиите, откако САД откри нови активности на Северна Кореја, во врска со производството на нуклеарно оружје.
Состанокот се одржува во местото Панмујн во демилитаризирана зона, а треба да биде продолжение на самитот помеѓу двете Кореи од април, на кој челниците на двете земји се договорија да ги намалат тензиите и да ги прекинат „сите непријателски активности“.
Главниот јужнокорејски преговарач, за новинарите, рече дека и на овој состанок ќе направи се што може за ублажување на напнатоста и изградба на доверба помеѓу овие две земји.
Американските шпионски сателити ги открија обновените активности
Висок американски функционер, за „Reuters“ рече дека американските шпионски проектили ги открија обновените активности во фабриката на Северна Кореја, која го произведе првиот интерконтинентален проектил, способен да стигне до површината на САД.
Според извештаите во јужнокорејските медиуми, се очекува Северна Кореја да биде истрајна во официјалниот мировен договор.
Севернокорејските медиуми, од друга страна, денеска го обвинија Сеул дека „губи време“ чекајќи санкциите да бидат укинати, дури откако ќе биде извршена целата денуклеаризација, а притоа да не презема поединечни акции за тоа.
Двете Кореи технички останаа во воена состојба уште од 1953 година, кога стапи на сила примирјето после Корејската војна (1950-1953).
Тензиите поради севернокорејската нуклеарна програма за производство на нуклеарно оружје, се намалија кон почетокот на оваа година, откако Пјонгјанг, сосема изненадувачки, покажа добра волја да се ангажира во водење на дипломатска политика со Јужна Кореја и САД.
Дипломатските преговори кулминираа со историскиот состанок помеѓу Ким и американскиот претседател, Доналд Трамп, кој се одржа во Сингапур на 12 јуни.
