Севиља поминува низ најтешките моменти во поновата историја на клубот. Синоќ Севиља загуби на домашен терен од Хетафе со 0:3, а по мечот клупските челници му врачија отказ на тренерот Диего Алонсо.
Алонсо пред два месеца дојде како замена за Хосе Мендилибар, со кого Севиља минатата сезона ја освои Лига Европа.
Поранешниот селектор на Уругвај не успеа да забележи победа во Примера, ниту во Лигата на шампионите каде доживеа четири порази. Во својот мандат победи два натпревара против екипи од понизок ранг во Копо дел Реј.
Сѐ уште не е познато кој ќе го преземе тимот од Андалузија, кој нема победа во 11 последователни првенствени натпревари и со само 13 бодови се наоѓа на 16. место на табелата.