Есента е полна со хранливи намирници кои лесно се вклопуваат во здравиот начин на живот. Така можете да уживате во вкусовите што ги носи есенската сезона и сепак да видите напредок на вагата.
Овие шест есенски намирници се најдобри за слабеење:
Тиквите се исклучително здрава и хранлива храна. Богати се со бета каротен, кој во организмот се претвора во витамин А, а е особено моќен антиоксиданс. Содржи растителни влакна, кои се пожелни во варењето и во процесот на слабеење.
Како и тиквата, јаболката се полни со влакна. Едно јаболко со средна големина има околу 4 грама влакна, а исто така е богато со вода, што го прави идеална храна за слабеење. Бидејќи јаболката содржат влакна и во месото и во кората, треба да внимавате да ги јадете и двете. Затоа, барајте непрскани јаболка чија кора се јаде.
Калинката е полна со хранливи материи, а се цени поради антиоксидантните и антиинфламаторните ефекти. Не постои дефинитивно истражување кое ќе покаже дека овошјето или сокот од калинка може директно да ви помогнат да изгубите тежина, но тие имаат ефект врз здравјето на цревата, а заздравувањето на цревата дефинитивно може да помогне во губењето килограми.
Чорбите и супите зачинети со чили се идеални за поладните есенски денови. Чили во комбинација со зеленчук, грашок и посно месо може да биде одличен сојузник за слабеење бидејќи го забрзува метаболизмот.
Прокељот потекнува од истата група на зеленчук како брокулата, карфиолот, кељот и зелката. Општо земено, зелчестиот зеленчукот може да помогне да се намали воспалението во вашето тело, што инаку ви го отежнува слабеењето.
Слаткиот компир, познат и како батат, често се смета за подобра замена за обичните компири. Иако содржи голема количина скроб, има и многу хранливи материи. Сладок компир со средна големина има околу 103 калории и содржи помеѓу 60 и 75% вода. Ова значи дека е позадоволителна опција за оброк и помала е веројатноста да се прејадете.
