Сезоната на празници е пред нас и тоа вклучува добри времиња, добра храна, а понекогаш и повеќе алкохол.
Но, што се случува кога „понекогаш“ станува „најчесто“?
Неодамна британската пејачка Адел (35) на своите фанови им порача: „Пред три и пол месеци престанав да пијам. Тоа е досадно."
Таа откри и дека во животот имала периоди кога пиела повеќе, дека еднаш испила четири шишиња вино пред ручек и дека била многу блиску до тоа да стане алкохоличар, пренесува City Magazine.
И тука на сцена стапува терминот граничен алкохоличар кој е личност која се уште нема развиено зависност, но е многу блиску до критична точка.
Дејв Николс, лекар од Националната здравствена служба (NHS) во Лондон и советник на веб-страницата MyHealthChecked, вели за Sun Health:
„Многу луѓе знаат дека понекогаш пијат премногу, но многумина не знаат до каде е линијата кога станува збор за проблематичното консумирање алкохол. Да се биде граничен алкохоличар значи дека сте опасно блиску до работ на алкохолизам. Алкохоличар пие секој ден, неговото тело зависи од алкохолот“, рече тој.
Според Николс, треба да бидете загрижени или да побарате помош веднаш штом ќе ги забележите овие шест симптоми:
- Пиете алкохол секој ден без да размислувате за тоа
- Редовно пиете количински премногу
- Забавата е само онаму каде што има алкохол
- Редовно пиете во текот на денот
- Другите луѓе кои не пијат ве нервираат
- Секој месец пиете повеќе од препорачаната количина на алкохол.
Ако не сте сигурни дали пиете премногу, избројте колку единици алкохол обично пиете неделно.
NHS препорачува да пиете не повеќе од 14 единици распоредени во текот на три или повеќе дена.
Тоа се околу шест средни чаши вино (175 ml) или шест литри пиво од четири проценти.
NHS го дефинира ризичното пиење како:
- 14 до 35 единици неделно за жени
- Од 14 до 50 единици за мажи
Сè што е над оваа граница е „штетно“ пиење - шема на консумирање што предизвикува психолошки или физички последици.
Погледнете го водичот за NHS за да дознаете колку единици има вашиот омилен пијалок.
Мала чаша црвено/бело/розе вино – 1,5 единици
Шише пиво (330 ml) – 1,7 единици
Лименка пиво (440 ml) – 2,4 единици
Стандардна чаша црвено/бело/розе вино (175 ml) – 2,1 единици
Голема чаша црвено/бело/розе вино (250 ml) – 3 единици
Џин, рум, вотка, виски, текила, чаша (35 ml) – по 1,4 единици.
Има некои знаци што укажуваат на проблем со пиењето, вели д-р Николс.
„Граничните алкохоличари може да имаат симптоми како стомачни болки, стрес, анксиозност, лоша кожа, проблеми со спиењето, раздразливост и висок крвен притисок. Тоа се рани показатели дека треба значително да го намалите консумирањето алкохол“, предупредува докторот.
Тој додава дека најчестите долгорочни физички ефекти на граничниот алкохолизам се абнормална функција на црниот дроб, кардиоваскуларни болести, дијабетес и проблеми со менталното здравје, но тоа често се скриени болести и пациентите не се свесни за нив додека не станат напредни.