Милан по 11 години ја освои титулата на Италија.
Веќе во првото полувреме од натпреварот од последното, 38. коло во Серија А, поведоа со 3:0 против Сасуоло со двата гола на Оливие Жиру и еден на Франк Кесие, со што одговорија на прашањето кој ќе го добие првото место.
Последната титула со миланскиот клуб Златан Ибрахимовиќ ја освои во 2011 година. Тој се врати во клубот, влезе против Сасуоло во 72. минута и како 40-годишник ја освои седмата титула во Серија А, сметајќи ги оние со Јувентус во аферата Калчополи. Во ова тој учествуваше со осум гола и три асистенции.
По натпреварот тој се погрижи публиката да добие вистинско шоуто. Се појави на теренот со пура во устата и шампањ во рацете да ја прослави титулата. Под знак прашалник е дали натпреварот против Сасуоло беше последен што го одигра Ибрахимовиќ во кариерата. Неговиот договор е со важност до крајот на јуни, што значи дека можно е да следи пензија, а можеби и нова играчка година или директорска улога во Милан.
