Ни лазат во домовите, ги наоѓаме по ѕидовите и прозорците, ни ги окупираат подрумите... Меѓутоа, во борбата против смрдливките има некои работи што не е подобро да не ги правите.
Професорката Луција Шериќ Јеласка од загрепскиот Факултет за општествени науки објаснува за Dnevnik.hr дека смрдливките во нашите домови влегуваат поради пониските температури надвор, бидејќи бараат топло и скриено место каде што можат да презимат.
Таа нагласи дека тие не се опасни и отровни за луѓето, но се досадни и испуштаат лош и непријатен мирис.
Како што посочува, граѓаните не треба да се плашат дека во нивните домови ќе се намножат смрдливи бубачки, бидејќи во текот на есента и зимата бараат место за хибернирање, а на пролет почнува нивното размножување.
Професорката вели дека најдобар начин да се ослободите од нив е механички, но треба да се внимава бидејќи при одбрана испуштаат многу непријатен мирис, па не се препорачува газење и стискање.
Советува и да не се користат инсектициди за да ослободување од нив, бидејќи се работи за инсекти кои не се опасни, па нема потреба граѓаните да го загрозуваат своето здравје со овие отрови.
Посочува дека иако смрдливките не се опасни, некои луѓе може да добијат алергиска реакција доколку се исклучително чувствителни, но таквите случаи се ретки.
Најдобар начин да се ослободите од смрдливка е да ја уловите со мрежа и да ја пуштите надвор. Оние што во домот имаат аквариум се опремени со ова помагало, а оние што немаат не е лошо да си набават бидејќи е одличен начин за нештетно ослободување од овие бубачки.
