Во неделата се одигра големото мадридско дерби помеѓу Реал и Атлетико, а натпреварот од шпанското фудбалско првенство заврши нерешено 1:1.
Сцената која го привлече вниманието на навивачите беше кога Лука Модриќ влезе во игра од клупата на Кралскиот клуб, а тренерот на Јорганџиите, Диего Симеоне, му дофрли нешто.
Експертите кои знаат да читаат од усни открија што Симеоне му рекол на хрватскиот играч за врска, а сега е јасно зошто Модриќ мораше да се насмее на тоа.
„Дојди кај нас, тука сигурно ќе играш“, низ насмевка рече Симеоне, а јасно е дека алудираше на тоа дека оваа сезона Модриќ е целосно во втор план во тимот на Реал и дека најмногу ја грее клупата, па очекувано е дека летово ќе го напушти Бернабеу.
Модриќ се насмеа додека ги врзуваше врвките на копачките, а потоа со насмевка го погледна Симеоне.
Потсетуваме, на Модриќ налето му истекува договорот со Реал, се зборува за негово заминување во Саудиска Арабија, но и за можно пензионирање на 38-годишниот хрватски ас.
Во неделното дерби Реал долго време водеше со голот на Брахим Дијас во 20. минута, но Маркос Љоренте му донесе израмнување на Атлетико и бод во судиското надополнување.
