BMW претстави прототип на автомобил кој зборува како човек, ги менува боите како камелеон за да одговара на расположението на возачот и нема екрани на контролната табла.
Овој прототип на моделот беше претставен на самиот почеток на оваа година, а директорот на BMW, Оливер Ципсе, изјави дека автомобилот ќе започне со производство во 2025 година. BMW планира да лансира нова линија на електрични возила, која ја нарекува Neue Klasse, или нова класа.
Ципсе истакна дека нема да застане на тоа дека овој тип на автомобил е како изложбен примерок, туку дека со конкурентни цени ќе биде дел од Neue Klasse и производството ќе биде сериозно, пренесува Reuters.
Една од највпечатливите карактеристики на концептот беше контролната табла која немаше екрани. Наместо тоа, контролната табла има единствен дигитален лизгач кој ги контролира сликите проектирани на шофершајбната на автомобилот. На највисоко ниво, шофершајбната може да прикаже дигитален, виртуелен свет наместо реалноста на градските улици.
„Дигиталното лидерство не е за тоа кој има најголем екран“, рече Ципсе, мислејќи на возилата на Tesla, чиј екран со висока резолуција е централна карактеристика на контролната табла.
BMW ја претстави и најновата примена на технологијата E Ink. Автомобилот и Vision Dee имаат 240 посебни ќелии во боја кои можат да се менуваат поединечно. Во еден момент, прототипот беше нијанса на светло зелена, потоа темно виолетова, па црвена со бели тркачки ленти.