Витаминот Ц е есенцијален витамин важен за закрепнување на телесното ткиво и одржување на имунолошкиот систем.
Иако му е потребен на нашето тело, не се произведува во него па се препорачува консумација на храна богата со витамин Ц како брокула, јагоди, пиперки, домати и слично. Но, некои луѓе преферираат да го земаат како додаток во исхраната што може да има предности, но и недостатоци.
Витаминот Ц е ефикасен антиоксиданс кој ги елиминира слободните радикали во телото. Го намалува оксидативниот стрес предизвикан од долготрајно воспаление по повреда или инфекција. Дневната доза на витамин Ц може да помогне во производството на други природни антиоксиданси, како витамин Е.
Човечкиот имунолошки систем помага во борбата против инфекции, уништување на туѓи тела и намалување на ризикот од болести, но и понатаму треба помош која може да дојде во облик на вакцини, исхрана богата со витамин Ц и други хранливи материи.
На повеќето здрави луѓе не им треба дневен додаток на витамин Ц, но може да го намали ризикот од некои видови канцер кај луѓето кои страдаат од недостиг на витамин Ц.
Земањето на додаток на витамин Ц може да го намали ризикот од очни болести како што се макуларна дегенерација и катаракта.
Дневното внесување на витамин Ц не им се препорачува на сите бидејќи може да го зголеми ризикот од некои штетни ефекти. Истражувањата покажаа дека високите дози на витамин Ц кои доследно се зголемуваат секој ден го зголемуваат ризикот од камен во бубрег за повеќе од 20%.