Смоквите содржат до 80 проценти вода, со оглед на тоа во нутриционистичка смисла смоквата стимулира енергија, па најдобро е да ја јадете наутро.
Нејзини лековити делови се плодот, млечниот сок, листот и кората од дрвото. Сувата верзија на смоква се смета за суперхрана која ни е достапна во текот на целата година.
Зошто е здраво да јадете смокви, особено наутро и на празен желудник?
1. Го намалуваат крвниот притисок
Смоквите се одличен извор на калиум кој помага во регулација и намалување на крвниот притисок.
2. Помагаат при слабеење
Смоквите се добар извор на растителни влакна кои го подобруваат варењето и даваат чувство на ситост, па така помагаат при губење килограми. Растителните влакна во смоквата помагаат и во намалувањето на холестерол во крвта. Во 100 грама смокви има само 74 калории.
3. Го снижуваат шеќерот во крвта
Листовите од смоквата го намалуваат шеќерот во крвта. Листовите може да се користат во подготовка на разни јадења и чаеви.
4. Помагаат за подобро расположение
Смоквите содржат голема количина Б витамини кои на нашето тело му даваат енергија, еластичност на кожата и силна мускулатура. Овие витамини ја подобруваат работата на мозокот и со самото тоа концентрацијата и паметењето, па и целокупното наше расположение. Смоквите содржат магнезиум, па се особено добри за лицата кои страдаат од несоница и ПМС.
5. Содржат многу витамини и минерали
Високата концентрација на глукоза и фруктоза претставува поздрава замена за белиот шеќер. Смоквите се богати со железо, фосфор, калциум, калиум, магнезиум, Б6 витамин, Е, Ц и А. Богати се со бета-каротен и препорачливо е да јадете смокви неколку дена пред сончање.
Содржат голем процент на вода и природни шеќери, па се корисни за закрепнување од исцрпеност и кај детоксикација.