Витаминот Д е важен за правилно функционирање на организмот. Недостатокот на витамин Д во телото може да доведе до депресија, а се поврзува и со дијабетес и некои видови рак.
Лекарите препорачуваат да пиете суплементи ако ви недостасува витамин Д. Постојат два вида на овој витамин: Д2 и Д3. Витаминот Д2 се наоѓа во храната, а витаминот Д3 го произведува нашето тело кога сме на сонце.
Што се случува во телото кога ќе внесете премногу витамин Д?
Поголемата количина веројатно нема да биде штетна, но многу поголема доза може да предизвика непријатни нуспојави особено за дигестивниот тракт како болки во стомакот, мачнина, повраќање, како и умор, вртоглавица, збунетост, жед.
Долготрајно консумирање на витамин Д може да доведе до трајни проблеми со бубрезите. Затоа треба да се посоветувате со вашиот лекар пред да почнете да консумирате витамин Д.