Вкусна и ароматична, дињата содржи голем број на антиоксидантни материи кои го штитат организмот, како од настинка, така и од многу посериозни болести.
Во народната медицина овој зеленчук (но се јаде како за овошје) се препорачува по обилно потење, а добар е и за смирување на нервите. Со освежителната диња, ефектите од убоди од инсекти исчезнуваат побрзо, но и кожата побрзо закрепнува ако изгори на сонце. Дињата содржи хранливи материи важни за здравјето на очите.
Освен што помага да се зачува визуелната острина што е можно подолго, дињата ги штити очите од штетните сончеви зраци. Исто така, големите количини на витамини А и Ц кои ги содржи го забавуваат деструктивниот процес во мрежницата и пигментот на мрежницата што доведува до макуларна дегенерација. Нутриционистите истакнуваат дека изобилството на бета-каротин, кој освен во дињите го има во сите овошја и зеленчуци со жолто-портокалова боја, е корисно за болните од астма, бидејќи помага против губење на кислород, што го намалува ризикот од алергиски реакции.
Со оглед на тоа што содржи големи количини на калиум, дињата им се препорачува и на оние кои страдаат од хипертензија. Калиумот му помага на телото да го ослободи вишокот натриум и на тој начин го намалува високиот крвен притисок. Калиумот е потребен и за регулирање на рамнотежата на водата, киселинско-базната рамнотежа и невромускулната функција, а исто така игра важна улога во преносот на електричните импулси до срцето.
Растителните влакна од дињата благотворно делуваат на чистење на организмот од штетни материи и се вистински рецепт за лекување на надуеност. Во исто време, изобилството на вода во него ја стимулира работата на бубрезите. Дињата треба да се јаде што почесто додека е достапна, бидејќи не дебелее, освежува и е полна со витамини и други важни состојки неопходни за организмот.