Ребека Фаленквист направи меѓународен инцидент со објава за Ана Франк на социјалните мрежи.
Шведските демократи ја сменија Ребека Фланеквист од функцијата откако политичарката објави понижувачки коментари за Ана Франк.
Во објава на Инстаграм, која во меѓувреме е избришана, ја нарече Ана Франк „неморална“ и „напалена“, пренесоа шведските медиуми. Објавата предизвика остри реакции од еврејските групи и израелскиот амбасадор Зив Нево Кулман.
„Силно ја осудувам оваа грда навреда, непочитување на Ана Франк“, напиша тој на Twitter.
Подоцна, за шведскиот весник Dagens Niheter, Ребека наведе дека била погрешно протолкувана.
„Книгата е трогателен приказ на доброто и лошото во човекот. Добрата Ана, која во првите поглавја е како и секоја друга млада девојка која го живее животот во мир и се интересира за момчиња (како што истакнав),е спротивставена на нацизмот. Мојата објава беше насочена на доброто и човечкото во Ана, не намалувајќи го злото на кое била изложена“, истакна во соопштение за новинарите.
Ана Франк почина на 15 години во концентрационен логор во нацистичка Германија во февруари, 1945 година. По војната, во Амстердам е пронајден дневникот на Ана за годините минати во постојан страв и во целосна изолација додека семејството живееле во тајно скривалиште од 1942 година до 1944, кога биле откриени од Гестапо и однесени во логор.
