Болеста мутира и носи нови варијанти на вирусот кои лесно се пренесуваат, а пронаоѓаат и нови начини како да се покажат кај човекот.
Моментално сѐ уште е присутен актуелниот сој BA.5, но симптомите се менуваат, а оние кои се појавуваат на белите дробови и понатаму се најдоминантни.
Доктор Алисон Арвади минатиот месец наведе дека забележала неколку работи во новите случаи на зараза, една од нив е дека веројатно ќе изостане сериозноста на болеста што значи денес имунолошкиот систем кај луѓето е посилен и е во можност да се одбрани од патогени. Исто така, забележала дека вирусот често се покажува во респираторниот систем.
Иако главоболката и осипот можат да бидат симптоми на болеста, ниту еден од нив не е на врвот на листата. Се забележува сѐ помалку губење на сетилата за вкус и мирис од порано, но и понатаму се појавуваат како симптоми.
„Со оглед на тоа што и понатаму се претставува како настинка или грип, тешко е понекогаш да знаете која болест е во прашање освен ако не направите тест“, наведе Арвади и додава дека кашлицата и понатаму останува присутна, скоро секогаш се појавува и така е кај секоја вирусна инфекција.
Според студија направена на универзитетот Калифорнија, откриено е дека температурата може да биде првиот симптом, како и кашлицата или болките во мускулите. Потоа може да дојде до мачнина, повраќање и дијареја. Истражувањата покажаа дека за разлика од останатите респираторни болести како MERS и SARS, пациентите со COVID-19 веројатно прво ќе имаат мачнина па потоа повраќање, па на крајот дијареја.
Дигестивните симптоми понекогаш можат да бидат сигнал дека некој штотуку се заразил со вирусот. Засега се знае дека можат да појават на почетокот на инфекцијата, со респираторни симптоми кои често се јавуваат другиот ден.
Експертите предупредуваат дека какви ќе бидат симптомите зависи од различни фактори како возраста, хроничните болести, имунолошкиот систем и друго. Нема големи шанси дека можат да се предвидат кај секого поединечно.