Од страста и жештината на танцот во земјата на тангото, до ледените глечери - сето тоа ќе го најдете на патувањето што не смеете да го пропуштите.
Не изненадува фактот што многумина ги нарекуваат културата и геологијата на Патагонија драматични и препорачуваат овие убавини да ги видите живо.
Патагонија е ретко населен регион во јужниот дел на Јужна Америка. Регионот Патагонија денес е поделен помеѓу две држави - Аргентина и Чиле. Патагонија ги зафаќа јужните предели на Андите, како и Патагонската пустина, пампасите и пасиштата кои се наоѓаат источно од Андите. Патагонија на исток излегува на Атлантскиот Океан, а на запад на Тихиот Океан.
Планини покриени со снег, зелени водопади кои паѓаат над црни карпи создадени од ерупции на лава, чисти езера, вулкани, шуми и глечери... ова е само дел од необичните атракции на Патагонија, полна со скриени убавини.
Една од најубавите глетки е глечерот наречен Перито Морено.
Неверојатната количина мраз опкружена со бесконечна шума привлекува голем број туристи - сите се желни да го видат ова „осмо светско чудо“, и еден од најголемите извори на вода за пиење во светот.
Џиновски блокови од сино-бел мраз се уриваат во езерото Архентино на секои две до четири години, предизвикувајќи силен тресок и неверојатни бранови. Оваа незаборавна глетка имаат привилегија да ја видат само најсреќните, а „претставата“ започнува во март.
Уште еден невообичаен факт за Перито Морено – тој е единствениот глечер кој расте, а не се намалува како другите! Научниците сè уште не знаат зошто е тоа така.
Некои мистерии е подобро да останат неоткриени.