Пет поранешни претседатели на САД заедно присуствуваа на хуманитарен концерт за собирање пари за жртвите од ураганите кои ги погодија Тексас, Флорида, Порторико и Девствените Острови.
Демократите Барак Обама, Бил Клинтон и Џими Картер, и републиканците Џорџ Х.В. Буш и Џорџ В. Буш се појавија синоќа на сцената во градот Колеџ Стејшон во Тексас, оставајќи ја политиката на страна во обид да ја обединат земјата после страшното невреме.
Актуелниот претседател Доналд Трамп пред концертот се обрати преку видео врска.
Петмината претседатели последен пат се собраа на едно место во 2013 година кога Обама беше претседател на отворањето на претседателската библиотека и музеј посветен на поранешниот претседател Џорџ В. Буш во Далас.
