На сите ни се случува понекогаш да се прејадеме. По прејадувањето ни треба сила за да го преживееме сто тоа што сме го внеле во организмот, а можеби не било потребно. Тоа чувство на прејадување е доволен поттик следниот пат да не го направите истото.
Што се случува во организмот кога ќе внесете повеќе храна отколку што сакате? Се ближат новогодишните и божиќните празници, затоа внимавајте со храната.
Најдобро е да се биде умерен, советуваат експертите.
Вашиот желудник се растегнува
„Големината на желудникот варира кај секого, но во просек може да прими литар содржина. Кога јадете премногу храна, желудникот може да се растегне до 4 литри“, објаснува докторката Лиса Еберли за Your Tango. „Добра вест е што желудникот е еластичен и брзо се враќа во нормала, но ако често се прејадувате, ќе се растегне“, предупредува таа.
Значи, оние кои го игнорираат чувството на ситост и продолжуваат да јадат, го растегнуваат желудникот што доведува до почесто чувство на глад и поголем внес на храна.
Постои уште една лоша навика која доведува до зголемување на желудникот, внесување течности со оброк.
„Кога пиете сок или пиво со јадење, во желудникот и цревата се создаваат гасови кои дополнително го растегнуваат. Исфрлете ги газираните пијалаци, избегнувајте да пиете течсноти додека јадете, а по оброкот може да пиете чај од ѓумбир“, советува докторката.
Храната влијае на мозокот
Многу вкусната храна може да има опасни ефекти на мозокот.
„Претераната консумација на вкусна храна може да поттикне реакции во системот на награди на мозокот, слични како оние забележани кај зависностите“, предупредува психологот Никол Оригем.
Кога јадете редовно, нутритивно богато и умерено, ќе јадете само кога сте гладни. Тоа е така затоа што хормонот грелин, кој управува со апетитот, се зголемува пред јадење и се намалува по јадење. Но, кога ќе се прејадете, грелинот останува активен.
Тука е и чувството на зависност, благодарение на зголеменото излачување допамин, додека уживата во вкусната храна.
Хормони
Додека грелинот го стимулира апетитот, други хормони го држат под контрола. Но, комуникацијата меѓу хормоните и мозокот трае до 20 минути, па ако јадете брзо и алчно, може да изедете многу повеќе од потребното.
Со оглед на тоа дека во текот на обилниот оброк се внесуваат повеќе калории отколку што може телото да потроши, тие се претвораат во маснотии и се складираат во пределот на стомакот и бутовите.
Шеќер во крвта
Кога се прејадувате, се произведува дополнителен инсулин за да се обработи количината шеќер од јаглехидратите.
Копнеете по јаглехидрати и шеќер за да го подигнете шеќерот што потоа панкреасот мора дополнително да го обработи и повторно ќе почувствувате умор по краткотрајното чувство на полет на енергија.
За овој проблем се советува прошетка веднаш по оброкот за да се избегне уморот предизвикан од скокот на шеќерот.