Реал Мадрид успеа да се врати по 0:2 против Валенсија во вчерашниот натпревар од 27. коло на шпанскиот шампионат и длабоко во судиското надополнување да го постигне третиот гол, во тој момент вреден победа.
Така мислеа играчите на Карло Анчелоти и многумина на трибините, па дури ни судијата Хесус Манзано, кој свиреше за крај на натпреварот кога топката полета кон несудениот херој Џуд Белингем.
Се играше осмата минута од судиското надополнување кога Брахим Дијаз ја испрати топката од десната страна до горниот дел од шеснаесетникот на Валенсија. Белингем беше највисок во скокот и ја упати топката со глава, која секунда подоцна слета во мрежата крај десната статива. Некои играчи на Валенсија се фатија за главите и беа во неверување откако дозволија предност од два гола да се претвори за малку во нов пораз.
Малку подоцна ќе испадне дека не беше пораз, туку нерешен резултат бидејќи Манзано означи крај на натпреварот кога Белингам требаше да шутира, па брилијантниот млад англиски играч за врска постигна неважечки гол.
Шпанските медиуми во описот на натпреварот наведуваат дека судијата направил „хаос“ и крајот на натпреварот го одвел во „рудник на теории на заговор“.
„Уништи добар натпревар“, пишува Marca на чија насловна пишува „Скандал на Местаља“.
„Скандал“ е насловот на насловната страница на Sport, а As го употребува истиот збор на насловната страница.
Што се однесува до самиот тек на натпреварот, Валенсија поведе со 2:0 по головите на Уго Дуро во 27. минута и Роман Јаремчук во 30. минута. Винисиус Јуниор го намали резултатот со гол во петтата минута од судиското надополнување, а потоа го израмни со глава во 76. Се изгледаше како голем пресврт за Реал во 98-ма минута, но Манзано реши да свирне крај на натпреварот само неколку моменти пред Белингем да шутира.