Скапоцен McLaren 765LT изгоре во текот на ставање гориво на бензинска станица во близина на Филаделфија, а за среќа нема повредени во инцидентот.
Пожарот изби во текот на ставање гориво на бензинска станица, а набргу беше изгаснат од пожарникари. Сепак возилото е непрепознатливо бидејќи штетата е огромна.
Причината за пожарот засега не е позната, но веројатно станува збор за нешто поврзано со точењето гориво.
McLaren има произведено само 765 примероци од моделот 765LT со 4,0-литарски twin-turbo V8 мотор кој развива 755 коњски сили. Автомобилот забрзува од 0 до 100 км/час за 2,8 секунди, а поради користење на карбонски влакна и други лесни материјали, полесен е за 80 кг во однос на McLaren 720S.
Цената на McLaren 765LT е 358.000 долари.