Јарците се познати по нивните амбиции и желби да ги остварат истите, без разлика на сè. Но, тоа не е единствената маана на овој хороскопски знак.
Сметаат дека нивниот збор треба да биде последен и дека нивната мисла треба без приговор да се сослуша. Кога се на врвот, способни се да станат тирани, а кога се подредени, се умилкуваат на оние над нив.
Зад нивната студена надворешност се кријат несигурност, страв од самите себе, страв од другите, страв од неуспех, страв од емоции. Всушност, се плашат од сè.
Иако изгледа како секогаш да ја имаат контролата, кога ќе ги опседне бес и лутина умеат да бидат агресивни и сурови.
Важат за големи скржавци, а подготвени се да бидат во врска со некој иако мислат дека таа личност не е за нив. Но, штом запознаат некој попогоден за основање семејство или материјална придобивка, ќе исчезнат.
Исто така се големи песимисти, секогаш го гледаат негативниот аспект на работите. Во сè се сомневаат и покрај нив може да се чувствувате чудно, поради нивната сомничавост.
Јарците се многу тврдоглави, можеби се и најтврдоглавиот хороскопски знак. Сакаат сè да биде по нивно, а одлуката што ќе ја донесат е конечна. Ова е поврзано со нивната нарцистичка природа, бидејќи веруваат дека се совршени и дека светот се врти околу нив.