Живот

Славни личности кои јавно и гордо се изјасниле како бисексуалци

25. април 2019 - 17:46 | А.С.

Долгите врски во шоубизнисот се вистинска реткост. Славните личности најчесто се во врска со други ѕвезди кои најдобро можат да ги сфатат притисокот и обврските што ги носи славата.

Со кого се во врска славните е нешто што отсекогаш ја интересирало пошироката јавност, а и нивната сексуална ориентација исто така.

Низа славни личности одамна јавно проговориле за тоа дека се хомосексуалци или бисексуалци, помагајќи на тој начин да се срушат табуата околу сексуалната ориентација.

Ѕвездата на серијалот филмови „Twilight“ Кристен Стјуарт во интервју кажа дека многу нешта во животот ѝ се смениле кога почнала врска со жена.

„Кога излегував со мажи сокривав голем дел од себе си, бидејќи сѐ што беше лично се сметаше за тривијално, што мене не ми се допаѓа. Тоа се смени кога почнав да излегувам со жена. Таа врска ми го смени погледот на животот и ме направи среќна“, изјави Стјуарт која беше во врска со партнерот од филмот Роберт Патинсон.

Дру Баримор отворено зборуваше дека го сака женското тело во интервју за Connect уште во 2003 година.

„Отсекогаш сум се сметала за бисексуалка. Го сакам женското тело. Сметам дека две жени заедно се подеднакво убави како и маж и жена заедно. Да се биде со жена е како да го откривате сопственото тело, само преку некој друг“, рече тогаш актерката.

Меган Фокс исто така јавно и гордо се изјасни дека ја привлекуваат подеднакво и мажи и жени.

„Сметам дека луѓето се родени бисексуални и потоа во текот на животот прават избори во согласност со притисоците на општеството. Немам никаков сомнеж дека сум бисексуалка“, рече Фокс, една од најубавите жени на светот, во интервју за Esquire.

Пејачката Рита Ора се најде на мета на критики откако зборуваше за бисексуалноста во нејзиниот сингл „Girls“.

„Песната ја претставува мојата вистина и е прецизен приказ за многу вистинско и искрено искуство во мојот живот. Во текот на животот сум имала романтични односи со жени и со мажи и тоа е мојот личен пат“, искрено напиша Ора на Twitter како одговор на критиките.

Музичарот Џејсон Мраз е еден од ретките мажи во шоубизнисот кој јавно проговорил дека е бисексуалец, а во таа низа се набројуваат и Енди дик и Нико Торторела.

Коментирај