Лава колач или лава кејк е десерт кој предизвикува радост кога се јаде, но многумина не се осмелуваат да го направат бидејќи не се сигурни како ќе им излезе.
За лава колачот да не ви остане во калапот наместо да се дружи со малку сладолед и шлаг на чинија, користете силиконски калапи за печење. Оригинално се наменети за мафини, но можат да се користат за било што.
Потребни состојки:
- 2 јајца
- 100 гр чоколадо за готвење
- 100 гр шеќер
- 100 гр брашно
- 100 гр маргарин
- 1 ванилин шеќер
Подготовка:
Растопете чоколадо и маргарин на пареа. Јајцата изматете ги со шеќерот и ванилиниот шеќер, па додадете ја растопената смеса од чоколадо и маргаринот. Потоа во изматената смеса додадете брашно.
Готовата смеса истурете ја во калапи премачкани со маргарин и брашно и 10 минути печете во загреана рерна на 250°C. Важно е да се пече само 10 минути и ниту една минута повеќе или помалку - за да се постигне посакуваниот резултат. Имајте на ум дека секоја рерна пече различно, па ќе треба да видите колку време ќе ѝ треба на вашата за перфектен лава колач. Можеби 9 минути, можеби 11.
По желба послужете го колачот со сладолед.
