Граѓанската иницијатива „За заедничка Македонија“ и денес, по 58-ми пат, протестира во Скопје против, како што велат, Тиранската платформа. Протестот започна пред Влада, а ќе заврши пред седиштето на СДСМ.
„По 58-ми пат повторно ве поздравувам со полно срце сите вас кои сте на улица затоа што сакате унитарна Македонија и заедничка Македонија. Денес имаме долг пат пред нас, преку Собранието завршуваме на улицата Павел Шатев, пред штабот на СДСМ“ изјави Богдан Илиевски, член на граѓанската иницијатива „За заедничка Македонија“.
Неколку лица со тапани го предводат денешниот марш, додека граѓаните со транспаренти, во овој момент се упатуваат кон штабот на СДСМ.