Кога ќе видите во фрижидерот дека ви снемало јајца, а сакате да јадете нешто благо, оваа торта е вистинскиот избор бидејќи сигурно ги имате дома сите останати состојки.
Бисквит
- 3 јогурти
- 200 gr шеќер
- 300 gr ситно мелено брашно
- 120 ml сончогледово масло
- 30 gr какао
- 2 лажички сода бикарбона
Глазура
- 150 gr путер
- 150 gr темно чоколадо
- 100 gr шеќер
- 100 ml млеко
1) Направете бисквит
Загрејте ја рерната на 185 степени. Јогуртот, брашното, шеќерот, маслото, какаото и содата бикарбона ставете ги во сад и измешајте ги со електричен миксер 2 до 3 минути за да се добие мазна смеса.
2) Печете
Смесата истурете ја во плех со димензии 20×30 сантиметри кој сте го премачкале со малку масло и сте го посипале со брашно за да не се залепи бисквитот.
Печете 20 до 25 минути.
3) Прелијте со глазура
Растопете го путерот на пареа, па додадете го ситно сечканото чоколадо и мешајте додека целосно не се стопи.
Додадете шеќер и млеко и мешајте со лажица додека не добиете изедначена смеса.
Оладениот колач прелијте го со чоколадната глазура.
