Гравот на сите ни е познат поради тоа што ни е национален специјалитет, варен, а особено тавче. Но, дали сте пробале сок од грав? Не делува привлечно, но вкусот ќе ве воодушеви - осмелете се.
Секојдневното консумирање на варен грав е поврзано со помала концентрација на таканаречениот лош холестерол во крвта (ЛДЛ).
Потсетуваме дека гравот се користел во античката индиска ајурведска и кинеска медицина пред повеќе од 3000 години. Најстарите преживеани текстови ни кажуваат дека исцелители користеле екстракти од грав за да го намалат треморот кај пациентите за лекување на состојба што сега ја нарекуваме Паркинсонова болест.
Постојат неколку видови грав, не само оној што е типичен за нашето поднебје. Во разни делови од светот виреат видови грав кои се разликуваат и по бојата. Во Источна Азија, поточно Јапонија, Кореја, Кина, Непал и Бутан, традиционално се подготвува азуки грав, кој има кафена боја (иако некои го нарекуваат и црвен грав).
Сегашните истражувања покажуваат дека кафените зрна грав (Vigna angularis) содржат соединение наречено леводопа, лек кој денес се користи за лекување на Паркинсоновата болест. Леводопата помага да се запре треморот со зголемување на допаминските сигнали во деловите на мозокот кои го контролираат движењето.
Но, осмелете се да пробате сок од грав, постои начин да го направите тоа.
Потопете една шолја азуки грав во пет чаши вода и динстајте еден час. Потоа истурете ја водата и згответе го гравот.
Водата што ја истуривте е сок од азуки грав. Користете ја пиејќи половина чаша 30 минути пред оброк, како лек за воспаление на бубрезите и за повеќето бубрежни заболувања. Пиењето сок со секој оброк го стимулира производството на мајчино млеко.
