Научниците предупредуваат дека ни се заканува екстремна соларна бура како онаа во 1859 година, што би можела да ја „спржи“ електричната мрежа и да ги уништи комуникациските системи ширум светот.
Тие наведуваат дека веќе не се работи за тоа дали ни се заканува вакво сценарио, туку кога.
Научниците од Националната метеоролошка служба на Велика Британија тврдат дека екстремните временски неприлики веќе направиле огромна штета, па така геомагнетската бура оставила шест милиони луѓе без струја во 1989 година, а астронаутитите на „Аполо“ успеале да избегнат вселенско зрачење.
Соларните бури, што се всушност огромни радиоактивни честички на Сонцето, се огромна закана за бројни инфраструктурни системи, а токму тие се во фокусот на новата европска вселенска мисија и леталото Солар Орбитер што ќе му се доближи на Сонцето.
Сателитот моментално е во рацете на британските научници кои ги прават последните проверки, пред да го пратат леталото во Германија каде ќе биде подложено на тестови во текот на една година.
Планот е леталото да биде лансирано кон Сонцето во 2020 година.
Солар Орбитер би требало да направи детална анализа на Сонцето и внатрешната хелиосфера, за да може научниците подобро да го разберат и да го сфатат, а со тоа и да се обидат да го предвидат однесувањето на нашата ѕвезда.
Кетрин Барнет од Националната метеоролошка служба на Велика Британија вели дека овој сателит ќе помогне во подготвувањето за следните соларни бури.
Најголемата соларана бура досега, наречена Карингтон, во 1859 година го „исфрлила“ од погон телеграфскиот систем на САД и предизвикала пожари во многу канцеларии. Ако се повтори таква бура, би можело целосно да исчезне глобалната технолошка инфраструктура.
Научниците сметаат дека вакви големи соларни феномени се случуваат еднаш во 100 или 200 години и дека е само прашање кога ќе се случи следната, а не дали воопшто ќе се случи.
