Скопје, 8 јуни 2020 (МИА) – Времето денеска ќе биде сончево со мала до умерена облачност.
Попладне, претежно во северните делови, ќе има локален пороен дожд и појава на грмежи. УВ индексот ќе изнесува 7.
Утринската температура ќе се движи од 11 до 17 степени, а дневната температура ќе се движи од 22 до 31 степени Целзиусови.
Во Скопје ќе биде сончево со мала до умерена облачност. УВ индексот ќе изнесува 7.
Утринската температура ќе достигне до 14 степени, а дневната температура до 30 степени.
Во следните денови во претпладневните часови ќе преовладува сончево време со умерена облачност, а попладне ќе има локална појава на нестабилност со пороен дожд, грмежи и засилен ветер.