Времето ќе биде сончево со мала до умерена облачност. Попладне ќе има појава на локални врнежи од дожд, повремено поројни, проследени со грмежи. Ќе дува умерен до засилен претежно северен ветер, најизразен долж Повардарието.
Утринската температура ќе се движи од 5 до 14 степени, а дневната температура од 13 до 24 степени. УВ индексот е 7.
Во Скопје, претпладне сончево со мала до умерена облачност, а од пладневните часови облачноста ќе се зголеми и ќе има појава на локални врнежи од дожд, повремено со пороен интензитет. Ќе дува умерен ветер од северозападен правец кој краткотрајно ќе засилува.
Утринската температура ќе достигне до 11 степени, а дневната температура до 21 степен.
Од среда следува период на потопло време, краткотрајно ќе е постабилно, но ќе има изолирана појава на нестабилна облачност со пороен дожд, грмежи и засилен ветер.
