Општо познато е дека рециклираната хартија може да има хемикалии на нејзината површина, потенцијално многу опасни за здравјето, но како да се разликува рециклираната од небелената хартија?
Преплавени сме со разни крпи и тоалетна хартија, обоени, небелени, избелени, а таа широка палета на производи може само да нѐ збуни.
Покрај тоа, често е нејасно како некои убруси чинат помалку, додека други се поскапи... Токму затоа е важно да се оддели важното од несуштинското и да се разберат најважните карактеристики на секој индивидуален производ.
Неизбелените прво ќе ги препознаете по тоа што ова својство е истакнато на амбалажата, а воедно се споменува дека е од чиста целулоза. Зошто е важно? Неизбелените убруси се направени од неизбелена целулоза, а важно е да се напомене дека голем плус и можеби најважен факт е што може да се користи во контакт со храна, што значи дека е целосно безбеден, чист и сигурен.
Имено, на површината на рециклирана хартија се пронајдени хемикалии кои би можеле да бидат потенцијално штетни за организмот. Тоа се таканаречени вечни хемикалии, создадени за потребите на индустријата и едноставно е невозможно да се исчистат со рециклирање. Многу од нив се ендокрини пореметувачи и може сериозно да му наштетат на здравјето... Така, можат да „ослободат“ некои од своите штетни својства во контакт со храната.
Рециклираната тоалетна хартија и крпи ја немаат меката, убава, беж боја на дрво како неизбелените, но се нерамномерни по боја, често обоени и не се меки и нежни на допир. На нивната површина може да се забележат неправилности дури и со голо око.
Од друга страна, квалитетните небелени убруси и тоалетна хартија се направени од чиста, неизбелена целулоза и се многу меки и имаат феноменална абсорбирачка моќ.
