Со головите на Кутињо и Нејмар во судиското продолжение по 90-тата минута, Бразил едвај ја совлада репрезентацијата на Костарика во второто коло од групата Е на Светското првенство во Русија.
Откако првото полувреме помина без голови, фаворитот Бразил се чинеше ќе остане со само еден поен и со минимални шанси за пласман во осмина финалето.
Кутињо и Нејмар успеаја во последен миг да ја пробијат челичната одбрана на храбрата Костарика во Санкт Петербург и да се спасат од срамен пораз од аутсајдерот на Мундијалот.
Првиот гол за Бразил го постигна Кутињо во 91-та минута, а решавачкиот му припадна на Нејмар во 97-та откако во 72-ра пропушти шанса за гол.
Бразилскиот напаѓач претходно исценира пад, но судијата Кујпер се консултираше со ВАР системот и беше преиначена одлуката за пенал, а во 81-ва минута доби жолт картон за груб старт.
Бразил со оваа победа е лидер во групата во која и Србија има четири бода, а за Костарика ова беше втор пораз што практично ја елиминираше од Мундијалот.