Москва, 20 јуни 2018 (МИА) – Франциско Хавиер Мата Санчез, навивач на мексиканската фудбалска репрезентација е исчезнат во Москва. Пријатели на младиот човек велат дека со него не стапиле во контакт од 16 јуни.
Тој ден, Санчез се сретнал со Русинка која се претставила себеси како Алита. Девојката одбила да даде информации кога ја контактирале телефонски.
Една пријателка на Санчез побарал помош на Фејсбук.
- Сигурни сме дека нешто не е во ред. Последен пат кога зборувавме по телефон, тој беше збунет и плачеше, напиша Аманда Паола Смеке.
Санчез е роден во Мексико Сити, но живее во Сан Антонио, Тексас. Двајца од неговите пријатели кои се исто така во Русија веќе поднеле пријава во полиција и побарале помош и од мексиканската и од американската амбасада во Русија. Засега не добиле одговор.