Вомбатот е цицач кој спаѓа во групата торбари. Се храни со трева, кора од дрва и разни корења. Ова егзотично животно живее во Австралија, а неодамна видео со малечко бебе од овој вид стана хит на интернет.
Станува збор за малиот Џорџ, кој има 4 месеци и живее во Зоолошка градина во Нов Јужен Велс. Целото време Џорџ го минува со негуватели, особено со Тим Фолкнер, кој е негова замена за родител. Џорџ е сираче чија мајка била згазена на улица, додека Џорџ преживеал и бил пронајден од случаен минувач кој го однел во зоолошката. Таму сега за него се грижат, го хранат со млеко, му го масираат стомачето и си играат со него.
Видеото прикажува колку силна врска постои меѓу Фолкнер и малиот Џорџ, кој постојано сака да е околу него.
[jw: https://www.youtube.com/watch?v=6guZBh2KVC4]
