На денешната прес-конференција премиерот Оливер Спасовски го соопшти вториот пакет на мерки со Владата економски ќе ги помаѓа погодените од кризата со коронавирусот.
Главната мерка од овој втор пакет е помошта од 14.500 денари по вработен за месеците април и мај која ќе ја добијат сите фирми кои ќе бидат погодени од кризата.
„Со оваа мерка државата ги спасува работните места на граѓаните. За неа донесовме уредба со законска сила за финансиска поддршка за работодавачите од приватниот сектор со што стапуваат во сила сите одредби за сеопфатна директна финансиска поддршка. Ова е директна мерка за зачувување на работните места и работните процеси. Ќе бидат опфатени околу 250 илјади работни места и околу 35 илјади компании. Сумата што ќе ја добие секој работник е 29 илјади денари, скоро 500 евра. Оваа уредба го опфаќа секое претпријатие од приватен сектор кое вработува работници врз основа на договор за вработување, секое правно лице и работодавачите кои преку приватни агенции ангажираат работници“, соопшти Спасовски.
Во однос на тоа како фирмите да аплицираат за помошта од оваа мерка, премиерот истакна:
„Работодавачот барател на финансиска поддршка ќе испрати барање во УЈП која должна да ја утврди формата за тоа. Ќе може да се поднесе најдоцна до 5-ти во месецот, а комплетноста на барањето УЈП треба да го утврди во рок од 3 дена. Во оваа уредба е утврден и начинот на кои фирмите ќе можат да аплицираат. Износот на работниците ќе им се исплатува до 13-ти во месецот, а се однесува на претходниот месец".