Шпанската полиција соопшти дека убила пет луѓе во градот Камбрилс, со што е спречен нов терористички напад.
Напаѓачите носеле на себе експлозив, а настанот се случил еден час по полноќ откако со автомобил влетале во група луѓе на шеталиште покрај море. Повредени се седум луѓе меѓу кои и еден полицаец.
Напаѓачите излегле од автомобилот кога дошло до пресметка со полицијата. Сите петмина се убиени. Полицијата истражува дали двата напади се поврзани. Камбрилс се наоѓа 100 километри јужно од Барселона и е познато летувалиште.
Во меѓувреме, полицијата трага по возачот на комбе кој намерно прегази луѓе и усмрти 13 лица. Од двајцата приведени мажи ниту еден не го возел комбето, а Дрис Убакир, на чие име се изнајмени две бели комбиња, се предаде на полицијата тврдејќи дека документите му се украдени и дека нема никаква врска со настанот.