Србија, единствената земја во Европа што одби да ја санкционира Русија поради нејзината инвазија на Украина, се согласила да испорача оружје на Киев или веќе го испратила, покажуваат доверливите документи на Пентагон.
Документот, што е резиме на одговорите на европските влади на барањата на Украина за воена обука и „смртоносна помош“ или оружје, беше меѓу десетиците доверливи документи објавени на интернет во последните неколку недели.
„Одговор на тековниот конфликт меѓу Русија и Украина“, документот во форма на графикон ги наведува „проценетите позиции“ на 38 европски влади како одговор на барањата на Украина за воена помош. Табелата покажала дека Србија одбила да обезбеди обука за украинските сили, но ветила дека ќе испрати „смртоносна помош“ или веќе ја доставила. Се наведува и дека Србија има политичка волја и воена способност во иднина да ја снабдува Украина со оружје.
Документот не е потврден.
