Луѓето кои прележале COVID-19 може да имаат компликации и по победата над болеста. Светските истражувања покажаа дека дури 80% од населението после коронавирусот има некои од симптомите кои укажуваат на проблем со кардиоваскуларниот систем.
За проблемите со кои се соочуваат нејзините пациенти, кои веќе ја прележале болеста, за српскиот национален сервис РТС зборуваше д-р Весна Стојанов, кардиолог. Заедно со постарите кои имаат проблем со кардиоваскуларниот систем, лекарката наведува дека овие симптоми често се јавуваат и кај младите.
„Кај нив наоѓаме аритмија во вид на забрзана работа на срцето“, наведува докторката и додава дека често е и воспалението на срцевиот мускул,односно миокардитис.
Ако почувствувате некој од овие симптоми, задолжително обавестете го вашиот матичен лекар.
1. Заморот е еден од симптомите кои често се јавуваат кај луѓе кои имале корона. Ако повеќе не можете да ја работите работата што можевте порано бидејќи едноставно ви недостасува енергија, тогаш е време да го посетите вашиот лекар.
2. Непријатност во градите и стегање во пределот на срцето се исто така знаци дека е време да го посетите вашиот лекар.
3. Скратен здив е симптом кој не треба да се игнорира.
4. Доколку чувствувате нарушувања на срцевиот ритам, не ги игнорирајте, туку задолжително консултирајте се со лекар. Аритмијата може да биде сериозен знак дека личноста боледува од срцеви заболувања.
5. Неспособност да вршите физички активности кои сте биле во можност да ги правите претходно, ова вклучува секојдневно качување по скали или пешачење. Ако чувствувате дека не можете да ги извршувате наједноставните физички активности по заздравувањето на короната, обратете се кај вашиот лекар.
Исто така, Д-р Стојанов забележува дека опоравувањето по инфекцијата со COVID-19 е доста долго и препорачува постепено да се воведуваат активности. Треба да се земе предвид дека по завршувањето на болеста, нашиот организам и имунолошки систем треба да се обноват со здрава исхрана и умерен начин на живот.
„Ако имаме пациенти кои се под стрес, и закрепнувањето е потешко“, посочува докторката за РТС. Дополнително, д-р Стојанов ја нагласува нетрпеливоста на пациентите. „Пациентите веднаш почнуваат да ги извршуваат сите свои активности и тоа е причина затоа што организмот едноставно не може соодветно да се прилагоди на сите овие нови обврски. Ковидната инфекција води до тоа да и кардиоваскуларниот систем многу страда“, заклучува д-р Весна Стојанов.